أغاريد
مديرة الموقع
عدد الرسائل : 238 الموقع : منتدى أغـاريد النسائي المزاج : رايقه * : تاريخ التسجيل : 12/05/2008
| موضوع: قصيدة تحضّرت بنت البدو !! للشاعر سعد الحمدان .... الإثنين مايو 19, 2008 8:12 am | |
| [size=21]السلام عليكم و رحمة الله و بركاته
شلونكم يا بنات ..؟؟؟
شفت عالقصيده و عجبتي و حسيت تعبر عن حااااااااااااال أغلب البنات و إن شاء الله تعجبكم مثل ما عجبتي ..
قصيدة (( تحضّرت بنت البدو )) >>>>>> !! للشاعر سعد الحمدان !!
تحضّرت بنت البدو .. ويـش ذا النـور !!
يـا زيـن ذا الموضـوع مكثـر كـلامـه
ودّي اشـارك واعطـي الـراي و الشـور
و ابـيّـن انــواع البـنـي بالفـهـامـه
بعض البني حاشـا يجـي منّهـا اقصـور
غيـث القلـوب اللـي تفـطّـر غمـامـه
مثـل الذهـب و المـاس تزهابـه انحـور
وت رفـع بـراس اللـي عـزيـزٍ مقـامـه
و الهرج يا زينـه .. فديتـك .. و ماجـور
ماهـوب هاوريـو هـاااي بابـي و مامـه
و ماهيب متّكلـه " لـو الحـال ميسـور "
عـلـى اندنوسـيّـه تجـيـب السئـامـه
تعجـن و تخبـز قــرص بــرٍ بتـنـور
و تبـزا نماهـا قـبـل ســنّ الفطـامـه
بنـت الرجـال و تربيـة كــل منـعـور
يـا طيـب مرباهـا عسـاهـا السـلامـه
وبعض البني ما تجلـب الفـرح و سـرور
يـا كثـر مـا تسخـط و تبـدي الملامـه
" ليثه " على المسكين .. و صيده لصرصور
لا شافـتـه تنـخـشّ كنـهـا نـعـامـه
مـا تغسـل الدلّـه و لا تـفـرك اقــدور
و اهدومهـا مـن فاضحـات الفخـامـه !!
"الفاغره" مـا حقّهـا غيـر " طرطـور"
مــن وفّــق الله بينـهـم بالرخـامـه
تــزنّ للحـاجـه مـثـل زنّ دبّـــور
و تعـرف مواقيـت الرضـا لاغتنـامـه !!
و الـلاش لاشٍ لمْرتـه صــار مـامـور
بذنـه تمطّـه لـيـن تـقـرح عظـامـه
و يجـي ولدهـم بيـن الابطـال مخسـور
ينقـش بخشمـه مـا بقـى مـن رامـه ..
سبحان من قسّـم علـى النـاس مقـدور
تستفهـم لبعـض الحظـوظ العـلامـه ؟
بعـض النشامـا حظّـهـم دوم معـثـور
يـبـلاهـم الله بـالـقـلال الشـيـامـه
بعبايـة الكتـف المخـصّـر و معـصـور
مـا غـطّـت ازرار البـلـوزه حـزامـه
مثل المريضه .. تمشـي اشـويّ و تـدور
و اثـره لجـل يدعونهـا.. يـا حمامـه!!
كـم مـن رديّـة جـات للـذرب خابـور
بلشـه .. و ربــي ساقـهـا باستـلامـه
و كم مـن سنافيّـه و هـي عنـد مدحـور
يضيـم ربعـه دوم .. و مـا شـيّ ضامـه
و تصبر علـى العيشـه و تركـب بحنتـور
و يكثـر عليهـا كــل يــوم المـلامـه
و ياجـي نماهـا مهـذّّب الخلـق مستـور
يالله عسـاك اتخارجـه مــن عمـامـه
و بعـض النشامـا لاجتمـع نـوره بنـور
فيـا درب سفّـر و انقشـع يـا ظـلامـه
هذا و انا ما انبش علـى النـاس مستـور
الوضـع بيّـن مــن حـلالـه حـرامـه
و ما هوب يـا "كـل البـدو" شـرح دكتـور
ثلثيـن ذا الموضـوع عـيّـا كـلامـه !!
و سلمتووووووووووووووو ...
[/size] | |
|